Jæja góðir félagar ! þá reynum við aftur. Það er góð veðurspá fyrir miðvikudaginn svo við blásum til hreinsunarverkefnis með þjóðveginum. Mæting við Fákasel kl. 18.00 miðvikudaginn 1. júní. Þar verður verkefnum úthlutað og síðan verður grillveisla á eftir. Menn þurfa að mæta vel skóaðir og með góða vetlinga. Sjáumst sem flest.


Hreinsunarverkefnið.
Það er rétt að taka fram að Vegagerðin mun greiða Lionsklúbbnum 3000 kr. á km í þessu hreinsunarverkefni. Gott væri að vita þátttöku til að vita hvað við eigum að kaupa mikið á grillið en það verður ekki rukkað fyrir matinn. Þetta er líka hugsað sem fjölskylduverkefni svo börn og makar eru velkomin.

Lionskveðjur
Gunnar

Á stjórnarfundi Lionsklúbbs Grundarfjarðar í gær miðvikudaginn 21. október, var samþykkt að fastsetja stjórnarfundi og verða þeir í vetur haldnir 3. miðvikudag í mánuði í Bjargarsteini kl. 18.40 þegar almennir fundir eru á dagskrá samkvæmt starfskskrá 2015 - 2016. 

Næsti almenni fundur sem er annar fundur starfsársins verður haldinn í Fákaseli miðvikudaginn 28. október kl. 19.00 og er í umsjón 1. flokks
       

Sala á Rauðu fjöðrinni stóð yfir hjá Lionsklúbbi Grundarfjarðar eins og annars staðar á landinu helgina 17. - 19 apríl.  Lionsfélagar stóðu vaktina í Samkaupum og buðu fólki sem þar átti leið um að leggja málefninu lið.  Þeir sem ekki komu þar við um helgina en vilja styrkja þetta þarfa málefni geta valið um nokkrar leiðir. Hægt er að hringja í söfnunarsímanúmer: 1.000 kr. 9041010/ 3000 kr 9041030/ 5000 kr. 9041050
Einnig er hægt að leggja inn á reikning 0111-26-100230
 Margt smátt gerir eitt stórt !

Sjálvirka hjartahnoðtækið LUKAS sem Lionsklúbbur Grundarfjarðar í samstarfi við Kvenfélagið Gleym mér ey, stóðu fyrir söfnun á var afhent Slökkviliði Grundarfjarðar til notkunar í sjúkrabíl Rauða kross Íslands sem staðsettur er í Grundarfirði fyrir skömmu.  Fyrir hönd Lionsklúbbsins voru mættir tveir  Lionsfélagar þeir Jóhann Ragnarsson forsvarsmaður söfnunnarinar og Gunnar Kristjánsson varaformaður, frá Kvenfélaginu Gleym mér ey mættu stjórnarkonurnar og systurnar Mjöll og Sólrún Guðjónsdætur.  Valgeir Magnússon slökkviliðsstjóri veitti tækinu viðtöku og afhenti sjúkraflutningsmönnum til varðveislu í sjúkrabílnum.  Tækið var prófað á dúkku sem notðuð er við kennslu í skyndihjálp og í þessu tilviki til sýnikennslu á því hvernig tækið virkaði.


Frá afhendingu hjartahnoðstækisins.

Setjið ykkur í viðbragðsstöðu.

Það nálgast hið stórkostlega KÚTMAGAKVÖLD  Lionsklúbbs Grundarfjarðar.  Mikilfengleg matarveisla og stórkostleg skemmtun í Fjölbrautarskóla Snæfellinga laugardaginn 7. mars n.k.  

Sem fyrr verða á hlaðborði Kútmagakvöldsins hinn landsfrægi kútmagi, sjávarréttasúpa, gota og lifur elduð eftir kúnstarinnar reglum, þjóðlegur plokkfiskur, ljúffengar gellur, koli og hin margrómaða hausastappa sem hefur verið á allra vörum  og auðvitað óteljandi aðrir fiskréttir að hætti kokkanna.  

Sjálf skemmtidagskráin verður af léttara taginu  og rúsínan í pylsuendanum er HAPPDRÆTTIÐ sem slegið hefur í gegn vegna stórkostlegra vinninga. 

Allur ágóði kvöldsins rennur til kaupa á Lúkasi ,  sjálfvirku hjartahnoðtæki fyrir sjúkrabílinn í Grundarfirði  og fleiri góðra líknarmálefna.

Húsið opnar kl. 19.00 og borðhald hefst kl. 20.00.   Miðaverð aðeins kr. 3000 -

Panta þarf miða miða fyrir föstudaginn 6. mars hjá: Móses  s: 8933321- Salbjörgu s: 8966650 - Olgu Sædísi  s: 8616780

Næsti Lionsfundur verður í Fákaseli miðvikudaginn 26. nóvember kl. 19.00

Góðir Lionsfélagar!

Nú er stjórnin búin að funda og fara yfir starf klúbbsins í vetur og hafa upplýsingar um flokkaskipan, félagatal og starfsskrá  verið uppfærðar á heimasíðunni. 

Fyrsti fundur nýs starfsársins 2014 -2015 verður  í Fákaseli miðvikudaginn 24. september kl. 19.00. 

Hittumst hress.
Stjórnin

Sæl Öll